ఎదుటివారి ప్రేమను పొందడానికి పండ్లు ఫలాలు కూడా సహాయకారులేనని తాజాగా నిర్ధారణయ్యింది. అందులోనూ ఓ ఐదు ఫలాలు తింటే అన్యోన్యత మరింత పెరుగుతుందట. ఈ పండ్లలోని పదార్థాలు హార్మోనులపై ప్రభావం చూపి మానవ సంబంధాల మెరుగుదలకు తోడ్పడుతాయని పరిశీలకుల అభిప్రాయం.
స్ట్రాబెర్రీ...
మనసు పలికే మాట వీటిని ఆరగించడంలో ప్రేమికులు పేటెంట్ పొందవచ్చట. స్ట్రాబెర్రీ వలన అంత ఉపయోగం ఉంటుందని అంటున్నారు. వీటిలో విటమిన్ సి పుష్కలంగా దొరుకుతుంది. అది శరీరాన్ని ఉత్సాహంగా ఉంచుతూ మానసిక ప్రశాంతతను కలిగిస్తుంది.
తోటకూర ... కలకాలం తోడుగా
ఆకుకూరలు ఎల్లప్పుడూ ఆరోగ్యదాయకం. అందులో తోటకూర ప్రేమికులకు చాలా మంచిది అంటున్నారు. తోటకూరలోని పోషకాలు భావోద్వేగాలను నియంత్రిస్తాయని, దాంతో ఒకరిపై మరొకరు కోపతాపాలు ప్రదర్శించకుండా ఉంటారని అంటున్నారు.
ఫిగ్... ప్రేమికుల పాలిట ఫెవికాల్ కాల్షియం, పొటాషియంలను కలిగిన ఫిగ్ ఆరోగ్యాన్నిస్తుంది. ఆరోగ్యవంతమైన మనసులు చక్కని అనుబంధానికి పునాదులు వేస్తాయి.
అవకడో... జీవితానికో హాయి తన కడుపులో విటమిన్ బి6ను దాచుకున్న అవకడో కూడా చక్కని ప్రేమ ఫలం. మానసిక ఆనందానికి ఈ ఫలం ఉత్ప్రేరకంగా పనిచేస్తుంది. ఒత్తిడిని ఎదుర్కొనే శక్తినిస్తుంది. ఇప్పుడున్న పరిస్థితుల్లో జీవితానికి అంతకుమించిన సౌఖ్యం ఇంకేం ఉంటుంది.
అరటి...
ఆరోగ్య కష్టాలు జీర్ణం ప్రేమ ఫలాల జాబితాలో చివరి స్థానం అరటిపండుది. భోజనానంతరం దీనిని సేవించమంటున్నారు. ఇది జీర్ణశక్తిపై ప్రభావం చూపుతుంది. సత్ఫలితాలనిస్తుంది. దీంతో ఆరోగ్యం సొంతమవుతుంది. చికాకులు చెదిరిపోయి ఆనందాలు, ఆప్యాయతలు పెరుగుతాయి. 
ఇంద్రధనస్సులో సప్తవర్ణాలు ఎందుకుంటాయి..? ఆకాశం, భూమి నీలంలోనే ఎందుకు కనిపిస్తాయి..? ప్రకృతి పచ్చగా ఎందుకుంటుంది..? వీటి మధ్య బతికే మనిషి మీద ఈ రంగులన్నీ ప్రభావం చూపిస్తాయా..? అవుననే అంటున్నారు నిపుణులు. నేడు హోలీ సందర్భంగా రంగుల్ని చల్లుకోవడమే కాదు ఈ కలర్ఫుల్ ఫ్రూట్ బకెట్ను కూడా ఆరగించండి...
1. ఎరుపు : ఈ రంగు ఉద్వేగాలకు ప్రతీక. ఎరుపుతో నిగనిగలాడే స్ట్రాబెర్రీ తింటే, శరీరంలో కలిగే భావోద్వేగాలు క్రమబద్ధీకరించబడతాయి. ఇనుముతోపాటు రోగ నిరోధక శక్తిని పెంచే జీవశక్తి ఈ ఎర్రపండులో పుష్కలం.
2. కాషాయం : శక్తికి, స్థిరత్వానికి సూచిక కావి (కాషాయ) వర్ణం. ఈ రంగు కలిగిన ఆరంజ్ తింటే విటమిన్-సి దొరుకుతుంది. అధిక రక్తపోటును బాగా నియంత్రిస్తుంది. జీర్ణప్రక్రియను మెరుగు పరుస్తుంది.
3. పసుపు : ఆశావాదాన్ని ప్రేరేపిస్తుంది పసుపు. యాంటీ సెప్టిక్గా పనిచేసే ఈ రంగు పైనాపుల్, మామిడి పండ్లలో లభిస్తుంది. విటమిన్-సి తోపాటు అనేక పోషకవిలువలున్న ఈ పండ్లను తింటే జీర్ణప్రక్రియను మెరుగుపడుతుంది.
4. ఆకుపచ్చ: ఆరోగ్య ప్రదాయిని ఆకుపచ్చ వర్ణం. అంతఃచ్చేతనాన్ని పెంచే గుణమున్న ఈ రంగు గ్రీన్ క్యాప్సికంలో అధికం. కూర వండుకుని దీన్ని తింటే ఇందులోని విటమిన్-ఎ, బి, సి మనసును నిత్యం ఉత్సాహంగా ఉంచుతుంది.
5. నీలం : దూరం నుంచి చూస్తే భూమి, ఆకాశం నీలవర్ణం కప్పుకున్నట్లు కనిపించడం సహజం. అందుకే మన శరీరం మీద కూడా నీలం ఎంతో కొంత ప్రభావం చూపిిస్తుందన్నది సత్యం. నీలంలో మెరిసే నేరేడు పండ్లు తింటే అందులోని యాంటీ ఆక్సిడెంట్స్ క్యాన్సర్ రాకుండా అడ్డుకుంటాయి.
6. ఊదా : ప్రకృతి నుంచి మన శరీరానికి నేరుగా ఔష«««ధాలను అందిస్తుంది ఈ రంగు. అందుకే ఈ రంగుతో కాసిన వంకాయలను తింటే అలాంటి ప్రయోజనం అందరికీ లభిస్తుంది అంటున్నారు నిపుణులు.
7. వైలెట్ : మనసునే కాదు, శరీరాన్ని నిత్యం చురుగ్గా ఉంచుతుంది ఈ రంగు. నల్లద్రాక్ష తింటే ఈ రంగు వల్ల కలిగే ప్రయోజనాలన్నీ మన శరీరానికి లభిస్తాయి. ద్రాక్షలో విటమిన్ - సి ఎక్కువగా దొరుకుతుంది. చదివారు కదా! మీరు రోజూ తినే పండ్లలో ఈ ఏడు రంగులు ఉండేలా చూసుకోండి. ఈ రోజు హోలీని ఎంత ఎంజాయ్ చేశారో జీవితమంతా అంతే హాయిగా గడపండి. 
పాదాలను శుభ్రం చేసుకోవడానికి ముందుగా నెయిల్ బ్రష్, నెయిల్ క్లిప్పర్స్, పూమిస్ స్టోన్, మసాజ్ క్రీమ్, నెయిల్ వార్నిష్, ఒక చిన్న టబ్ తీసుకోవాలి.పాదాలను ఆరోగ్యంగా ఉంచడానికి ఇప్పుడు చేయబోయేది పెడిక్యూర్. పాదాలకి కావల్సినంత మసాజ్, టోనింగ్ దీని వల్ల లభిస్తుంది రక్తసరఫరా పెరుగుతుంది. దాంతో పాదాలు దృఢంగా ఉంటాయి.
గోళ్ల చుట్టు పక్కల ఉన్న చర్మాన్ని చర్మం వెనుక భాగానికి బాగా తోయాలి. గోళ్లను కట్టర్తో జాగ్రత్తగా కత్తిరించి ఒక షేప్ ఇవ్వాలి. ఈ సమయంలో గాయపడకుండా చూసుకోవాలి. ఆ తరువాత ఏదైనా మంచి నూనె లేదా క్రీముతో గోళ్లను, పాదాలను మాలిష్ చేయాలి.ఇష్టమైతే పాదాలు శుభ్రం చేసుకోడానికి నెలలో ఒకసారి బ్లీచ్ లేదా వారంలో ఒకసారి స్క్రబ్ చేయవచ్చు. ప్రతిరోజూ స్నానం చేసిన తర్వాత మాయిశ్చరైజర్ను పాదాలపై అప్లై చేయాలి. ఇలా చేస్తే పెళుసుదనం తగ్గి గోళ్లు మెరుపు కనిపిస్తూ ఆరోగ్యంగా దృఢంగా ఉంటాయి. 
వస్తుంది. ఇది చర్మం మీద ఉండే నూనెలను, మృతకణాలను ఆహారంగా తీసుకుంటుంది. ఈ ఫంగస్ మాత్రం అందరి చర్మంలోనూ ఉన్నా కొంతమందిలో మాత్రం ఇబ్బందులకు గురి చేస్తుంది. దీని ప్రభావం ఎక్కువగా ఉన్నప్పుడు కొందరి శరీరం మీద మచ్చలు వస్తాయి. వాతావరణం తేమగా, వేడిగా ఉన్నప్పుడు ప్రధానంగా వేసవిలో ఈ వ్యాధి కనిపించడానికి అవకాశం ఉంది. అయితే వాస్తవానికి ఇది ఫలానా కారణంగా వస్తుందని ఇప్పటికీ నిర్ధరించలేదు. 
ఈ వ్యాధి రాకుండా నివారించడానికి కొన్ని జాగ్రత్తలను తప్పనిసరిగా తీసుకోవాలి. అవి... 
ఫంగస్ చర్మపు పైపొర మీద ఉంటుంది కనుక, చర్మానికి పై పూతగా వాడే మందులు బాగా పనిచేస్తాయి. ఒకవేళ ఈ మచ్చలు ఎక్కువగా ఉంటే, యాంటీ ఫంగల్ మందులను కడుపులోకి తీసుకోవలసి ఉంటుంది. మందులు వాడాక ఈ మచ్చలు తగ్గినట్టు అనిపించినప్పటికీ, కొంతకాలం తరవాత మళ్లీ వచ్చే అవకాశం ఉంటుంది. కనక ఈ ఫంగస్ పూర్తిగా తగ్గడానికి మందులు వాడడం తప్పనిసరి. 
డాక్టర్ టిఎల్విడి ప్రసాద్బాబు
