శృంగారం యోగం

‘యోగా’ అనే పదం సంస్కృతం పదం ‘యుగ’ నుండి పుట్టింది. ‘యుగ’ అంటే కలయిక అని అర్థం. పతంజలి విరచితమైన యోగాశాస్త్రం ప్రకారం కలయిక అంటే శారీరక, మానసిక స్థితుల సమాగమం అని అర్థం. యోగాశాస్త్రం మనకు శారీరక, మానసిక, ఆరోగ్య స్థితులను పొందడం ఎలాగో వివరిస్తుంది. ఈ శాస్త్రంలో వివరించబడిన యోగాసనాలు, శారీరక వ్యాయామాలు మన శారీరక వ్యవస్థను ఆరోగ్యంగా ఉంచడంతో పాటు మానసిక వ్యవస్థను కూడా సంరక్షిస్తుంది...

మీలో శక్తిని, ప్రాణాధారశక్తిని, పెంపొందింపజేయడానికి వీలుగా మీ కండరాల ఆరోగ్యం, బలం పెంచడానికిగాను ఈ వ్యాయామాలు రూపొందించబడ్డాయి. ఈ వ్యాయామాలు చేసేటప్పుడు మీరు ఆచరించే పలురకాల శారీరక భంగిమలు, కండరాల విస్తరణ, మెలితిప్పడాలు వగైరా చర్యలన్నీ మీ అంతర్గత అవయవాలన్నిటినీ ఉత్తేజితం చేస్తాయి. దాంతోబాటు సక్రమమైన పద్ధతిలో మీరు శ్వాసించగలగడం తద్వారా స్వచ్ఛమైన తాజాయైన ఆక్సిజన్‌ మీ శరీరంలోని ప్రతి కణానికి, నాడులకు సరఫరా కావడం, అవన్నీ పునరుత్తేజితం కావడం జరుగుతుంది. మీ లైంగిక కేంద్రంగా పనిచేసే వెన్నెముక చివరిభాగం బలపడడం ద్వారా మీ లైంగిక పటుత్వం పెరుగుతుంది.

లైంగిక పటుత్వం, సామర్థ్యం... ఇవి ఈనాడు చాలా ఎక్కువగా ప్రాధాన్యతనిస్తున్న అంశాలు. లైంగిక సామర్ధ్యానికి, డబ్బు, హోదా, కీర్తిప్రతిష్టలు, అధికారం, విజయం, శారీరక బలం, అందం ఇవేవీ నిశ్చయాత్మకమైన పాత్ర పోషించలేవు. ఇవన్నీ ఇద్దరి వ్యక్తుల మధ్య లైంగిక సంబంధాలు ఏర్పడటానికి విస్తృతమైన అవకాశాలను కలిగిస్తాయే తప్ప, లైంగిక సామర్ధ్యానికి గ్యారెంటీ ఇవ్వలేవు. కాగా మనం నిత్యం అనుభవించే అపరిమితమైన ఒత్తిడి, నిరాశ, నిస్పృహలు లైంగిక సామర్థ్యంపై గణనీయమైన వ్యతిరేక ప్రభావాన్ని చూపుతాయి.

ఆత్మవిశ్వాసం, చక్కని మానసిక ఆరోగ్యస్థితి, అద్భుతమైన సెక్స్‌ సామర్థ్యానికి పెట్టుబడులు. స్ర్తీలలో రతిభయం, పురుషుల్లో అంగస్తంభన సమస్యలు, శీఘ్రస్కలనం వంటి సమస్యలు సాధారణంగా మానసిక కారణాల వల్ల ఏర్పడేవే. యోగా వ్యాయామాలు మన శరీరంలోని నాడీ కండరాల ధాతువులను చక్కగా ఉత్తేజపరచడమే కాక మెదడును కూడా ఆరోగ్యంగా ఉంచుతాయి. శరీరం, మనసు రెండూ సంయుక్తంగా ఉన్నప్పుడు లైంగిక సామర్థ్యం మరింత పెరగడమే కాక శృంగారం పాల్గొనే వ్యక్తుల మధ్య ఒద్దిక, గాఢమైన అనుబంధం నెలకొంటాయి.

శృతి చేయండి...

చక్కని శరీర భంగిమతో నిలుచోండి. మీ రెండు పాదాల మీద మీ శరీర భారం సమానంగా పంపిణీ కావాలి. మీ భుజాలు క్రిందికి దింపి, మీ వెన్నెముక చివరి భాగం కిందికి దిగేలా ఉంచండి. మీ శరీరంలో ప్రతి కండరం, పిరుదులు, ఉదరభాగం అన్నీ బిగువుగా మారిపోతున్నట్టు ఊహించుకోండి. కనిపించని ఒక తీగ ఏదో మిమ్మల్ని తలమీద నుండి పాదాల దాకా పైకి లాగుతున్నట్టుగా ఊహిస్తూ... మీరు మరింత పొడుగ్గా సాగిపోతున్నట్టుగా ఊహించుకోండి. మీ ఉదరవేతనంలో గాలిని బాగా లోపలికి పీల్చండి. మీ ఊపిరితిత్తుల నిండా ఆక్సిజన్‌ని నింపండి. ఇప్పుడు మీ దృష్టి అంతా మీ శ్వాసక్రియ మీదనే కేంద్రీకరించండి. వెంటనే మీలో అంతర్గతంగా చాలా ప్రశాంతమైన భావన కలుగుతుంది. ఇలా గాఢంగా శ్వాసించడం ప్రకృతి సహజమైన మత్తును కలిగిస్తుంది.

వ్యాయామం-1...

1) మీ కాలి మునివేళ్ళు తిన్నగా పెట్టి, మీ రెండు కాళ్ళను 2, 3 అడుగుల దూరంలో ఎడంగా వుంచండి. మీ రెండు అరచేతులను వేళ్ళ వద్ద బంధించి ఎదుటివైపుకి తిప్పండి.
2) గాఢంగా శ్వాసిం చండి. రెండు చేతు లను పైకి ఎత్తి, మీ అరచేతులను చూడటానికా అన్నట్టు మీ తలను పైకెత్తి కాస్తా వెనక్కి వంచండి.
3) ఇప్పుడు మీ చేతులను విడదీసి, నడుం పైభాగం వద్ద ముడుచుకోండి. వీలైనంత ఎక్కువగా వెనక్కి వంగండి. మీ పొత్తికడుపు భాగాన్ని ముందుకు తెండి. మీ మెడ, ఛాతి విస్తరింపజేయండి. మామూలుగా శ్వాసించండి. 5 సెకన్లపాటు అలాగే ఉంచి, తరువాత నిటారుగా నిలబడండి.
4) ఇప్పుడు కుడిచేతిని పైకెత్తి ఎడమవైపుకు వాలండి. మీ ఎడమ చేయి ఎడమ తొడ మీదుగా రాస్తూ... పిక్కల దాకా తీసుకువెళ్ళండి. మీ తలను కూడా ఎడమవైపునకు వంచి, ఎడమ చెవి, మీ ఎడమ భుజం తాకేలా పెట్టండి. మామూలుగా ఊపిరి పీలుస్తూ... ఎడమ చేతిని మరింత కిందికి దింపటానికి ప్రయత్నించండి.
5) తిరిగి నిలబడే భంగిమకు రండి. తరువాత ఐదు సెకన్లు ఉంచండి. తరువాత ఇదే మాదిరిగా కుడివైపు చేయండి.

వ్యాయామం-2...

1) మామూలుగా శ్వాసించండి. కుడి అరచేత్తో ఎడమకాలి మడమను తాకండి. నడుం మెలితిప్పండి. ఎడమ భుజం మీదుగా వెనక్కి చూడండి. ఇలా ఐదు సెకన్లు ఉండండి.
2) ఇప్పుడు ఇదేవిధంగా కుడివైపు చేయండి. ఐదు సెకన్లు ఉండండి.
3) నడుం మెలితిప్పడం ఆపండి. మీ రెండు చేతులను, మోచేతుల వద్ద పెనవేసి, గాలిలో తేల్చండి. గాఢంగా ఊపిరిపీలుస్తూ 5 సెకన్లు గడపండి.
4) మీ అరచేతులను నేలమీద వాల్చి వంగండి.
5) మీ అరచేతులను ముందుకు జరుపుతూ పాదాలను దూరంగా ఉంచండి. పిరుదులను వెనక్కి గెంటుతూ మీ మోచేతులను పూర్తిగా సాగదీస్తూ ముందుకు జరపండి. మీ రెండు చేతులను భూమిలోంచి ఎవరో లాగేస్తున్నట్టుగా సాగదీయండి. ఈ భంగిమలో పది సెకన్లు ఉండండి. నెమ్మదిగా కండరాలు వదులు చేస్తూ లేచి నిలబడండి.

బ్యాలెన్స్‌...

శరీరాన్ని సాగదీయడంతోబాటు, బ్యాలెన్స్‌ నేర్చుకోవడం, మీ సావధానాన్ని (అటెన్షన్‌) పెంచుతుంది. ఇంకా మీ మనసును ప్రశాంతంగా ఉంచుతుంది. సాగదీయడం అనే ప్రక్రియ మీ కండరాల్లోని టెన్షన్‌ని పోగొడుతుంది. ఈ వ్యాయామంలో కదలికల వల్ల మీ కండరాల్లో స్తబ్ధత పూర్తిగా తొలిగిపోయి, అవి ఎటుపడితే అటు వంగే రబ్బరు ముద్దల్లా పనిచేస్తాయి.

వ్యాయామం-3
1) పాదాలను ఎడంగా వుంచి, నిలబడండి. కుడికాలిని ముందుకు జరపండి. పాదాన్ని సరళరేఖపై వుంచండి. మీ ఎడమపాదాన్ని ఈ సరళరేఖకు లంబదిశగా వుంచండి. చేతుల ను వెనక్కి మడిచి నమస్కరిస్తున్న భంగిమలో మీ అరచేతులను జోడించండి. దీంతో మీ ఛాతి పైభాగం, పొట్ట ముందుకు వస్తాయి. మీ భుజాలను క్రిందికి దిగి వుండే విధంగా జాగ్రత్తపడండి. ఒకవేళ మీ అరచేతులను ఈ విధంగా జోడించి వుంచడం కష్టంగా వుంటే, మీ చేతుల మణికట్టును బంధించండి. మీ వీపు క్రింది భాగానికి ఆన్చి వుంచండి.

2) గాలిని పీల్చండి, వీలైనంత వెనక్కి వాలండి. మీ మెడ, ముఖ కండరాలను వదులుగా వుంచండి.
3) ఇప్పుడు నెమ్మదిగా శ్వాస బయటకు వదులుతూ క్రమంగా ముందుకు వంగండి. మీ నుదురు కుడి మోకాలిని తాకేంతవరకు వంగండి. ఈ దశలో బ్యాలెన్స్‌ తప్పకుండా వుండేందుకు మీ ఎడమకాలిని తిన్నగా వుంచండి. ఎడమకాలి కండరాలను మోకాలి చిప్పపైకి లాగి వుంచండి.

4) మీ శరీర బరువు రెండు కాళ్లకు సమానంగా పంపిణీ అయ్యే విధంగా వుంచండి. మామూలుగా శ్వాసిస్తూ... మీ కుడి మోకాలిని వంచండి. మీ తలను మాత్రం అక్కడు వుంచాలి. మీ కుడి కాలి మడమ, మోకాలి చిప్ప లంబంగా ఒకే సరళరేఖపై వుండేలా జాగ్రత్తపడండి.
5) ఇప్పుడు మీ చేతులను విడదీయండి. ఎడమ చేతిని నడుం వద్ద పెట్టుకోండి. కుడిచేతిని క్రిందికి పెట్టండి. వేళ్ళతో నేలను ఆనుకొని, మీ కుడివేలు ఎక్కడా వంగకుండా వూహించుకుని, దానివంకే చూస్తూ వుండండి.

6) ఇప్పుడు మీ కుడికాలిని తిన్నగా జరపండి. గాలిని పీలుస్తూ... ఎడమ కాలిని వెనక్కి గాలిలో లేపండి. మీ ఎడమకాలి మడమ, మీ వెన్నెముక ఒకే సరళరేఖలో వుండే విధంగా పెట్టండి. 10 సెకన్లపాటు ఇలా ఉండి నెమ్మదిగా ఎడమకాలిని క్రిందికి దింపి 5వ స్థానానికి రండి. తరువాత ఇదే మాదిరిగా ఎడమవైపు చేయండి.

వస్థికసాగు (పెల్విస్‌ స్ట్రెచ్‌)...
పొత్తికడుపు క్రిందిభాగాన్ని,మూత్రపిండాలు, తదితర సున్నితమైన అవయవాలు, సున్నితమైన కండరాలు కలిగిన అస్థిపంజరపు భాగాన్ని పెల్విస్‌ అంటారు. దీనిని తెలుగులో వస్థికం అంటారు. ఈ ప్రదేశాన్ని సాగదీయడం, విస్తృతంగా చేయడం, మెలిపెట్టడం తదితర వ్యాయామాలు సెక్స్‌కు చాలా ఉపయోగకరం.కిడ్నీలు బాగా పనిచేస్తాయి.

అట్లాగే జీర్ణశక్తికి కూడా ఇది చాలా మంచిది. వెన్నెముకకు ఈ వ్యాయామం ఉత్తేజా న్ని కలిగిస్తుంది. ప్రసవానం తరం లేదా వయసు మళ్లే దశలో స్ర్తీలలో చాలామంది ఈ ప్రదేశంలో స్తబ్దతను ఎదుర్కొంటారు. పొత్తికడుపు క్రింది కండరాలు జవజవలాడిపోవడం, యోని కండరాల్లో బిగి తగ్గిపోవడం ఫలితంగా రతిలో బిగువైన స్పందన కొరవడడం వంటి ఇబ్బందులనెదు ర్కొంటారు. అందుకే ఈ ఎక్సర్‌సైజులు.

1) మోకాళ్ళ మీద నేలపై కూర్చోండి. మీ మోకాళ్ళను దగ్గరగా చేర్చి వుంచండి. పాదాలను వెనక్కి పెట్టండి. మీరు మొండాన్ని తిన్నగా పెట్టి కూర్చోవాలి. అరచే తులను పటంలో చూపిన విధంగా తెరిచి వుంచి నేలమీద ఆన్చండి.

2) ఇప్పుడు నెమ్మదిగా వెనక్కి వాలండి. మోకాళ్ళు దగ్గరగా చేర్చి వుంచే చేయాలి. మీ చేతులను వెనక్కి వంచి, మోచేతులను నేలమీద ఆన్చి, అరచేతులతో మీ పాదాలను పట్టుకొని వెనక్కి వంగండి. మీ పాదాలు, మడమలు, మోకాళ్ళు, తొడలు, పొత్తికడుపు అన్నీ సాగదీయబడుతున్న అనుభూతి మీకు కలుగుతుంది.

ఇది మీకు సౌకర్యవంతంగా అనిపిస్తుంటే...
3) నేల మీద ఇంకా వెనక్కి వంగండి. మీ చేతులను విడదీసి, తలమీదుగా పైకి జరపండి. అక్కడ వాటిని మీ చేతుల వద్ద మడవండి. గాఢంగా ఊపిరిపీల్చండి. మీరు ఊపిరిని బయటకు వదులు తున్నప్పుడల్లా, మీ శరీరమంతటా సాగదీస్తున్న ఫీలింగ్‌ ఏర్పడు తూ వుంటుంది. దీనివల్ల రక్తప్రసరణ పెరుగు తుంది. కాసేపటికి మీకు ఎంతో హాయిగా, రిలాక్స్‌డ్‌గా మత్తుగా వుంటుంది. ఈ భంగిమలో కాసేపు వుండి తిరిగి (2)వ స్థానానికి రండి. తరువాత (1)వ స్థానానికి రండి.

4) కాసేపు రిలాక్స్‌ అవ్వండి. మీ అరచేతులను నడుముకు ఇరువైపులా వదులుగా వుంచి, మీ మోకాళ్లను పైకి పెట్టి మీ తలను నేలమీద సరళరేఖలో నుంచి ప్రశాంతంగా కాసేపు గడపండి.
5) గాలిని పీల్చండి. మీ రెండు అరచే తులతో మీ కాలి మడమలను పట్టుకోండి. పిదప మీ నడుముని పైకి ఎత్తండి. మీ వస్థిక ప్రదేశంలో కండరాల మీద, లైంగిక అవయవాల మీద మీ దృష్టిని కేంద్రీక రించి, వీలైనంత ఎత్తుకు నడుమును లేపండి. 10 సెకన్లపాటు ఈ విధంగా వుంచి నెమ్మదిగా నేలమీదకు దిగండి. ఈ వ్యాయామాన్ని పూర్తిగా రెండుసార్లు చేయండి.

వస్థికసాగు (కొనసాగింపు)...
1) వెల్లకిలా పడుకోండి. నుడుము పైకి ఎత్తండి. మోకాళ్ళను ఛాతి వద్దకు తెచ్చుకోండి. అక్కడ పద్మాసన భంగిమలో మోకాళ్ళ వద్ద మడవండి. మీ రెండు పాదాలను వీలైనంత ఎక్కువగా చెరోవైపు బయటకు సాగదీసి వుంచండి. కాలి బొటనవేళ్ళను చేతివేళ్ళతో గట్టిగా పట్టుకోండి.
2) గాలిని పీల్చండి. మోకాళ్ళను పద్మాసన భంగిమలోనే నేలమీదకు దింపండి. కాలిబొటనవేళ్ళను పట్టుకొని వుండటాన్ని మాత్రం వదలొద్దు. గాలిని వదిలిపెట్టి 5 సెకన్లు గడపండి.
3) నెమ్మదిగా మీ తలను వెనక్కి వంచండి. మీరు మీ తలవైపు వున్న వస్తువులను చూడటానికి గాను తలను తిప్పినట్లుగా సాధ్యమైనంత ఎక్కువగా తలను వుంచండి. ఈ క్రమంలో మీ వీపు పైభాగాన్ని పైకి లేపండి. రిలాక్స్‌ అవ్వండి.
4) మీ కుడికాలిని నేలమీద నుండి 30 సెం.మీలు పైకి లేపండి. మామూలు గా గాలిని పీల్చండి. తరువాత రెండు కాళ్ళను పైకి లేపండి.నడుము పైకి ఎత్తుతూ... లంబదిశగా పైకి లేపండి. తరువాత మీ తలను నేలమీద నుండి పైకి లేపి,మీ చేతులతో ఎడమకాలి మడమను పట్టుకోండి. ఈ దశలో 5 సెకన్లు వుంచండి. ఇదేవిధంగా కుడికాలితో కూడా చేయండి.
గమనిక: ఈ యోగాసనాలు పూర్తి ఆరోగ్యం గా ఉన్నవారు మాత్రమే చేయాలి. గర్భిణీ స్ర్తీలు, రక్తపోటు, ఏదైనా దీర్ఘకాలిక అనారోగ్య పీడుతులు ఈ వ్యాయామాలు చేయడం నిషిద్ధం. వ్యాయామ సమయంలో అస్వస్థతగా అనిపిస్తే... వెంటనే ఆపేయాలి. కంగారు పడుతూ యోగా దశలను దాటేయకూడదు. ఒకటికి రెండుసార్లు చదివి అర్థం చేసుకున్న తరువాత ప్రారంభిస్తే మంచిది.