నాజూకైన నడుము, చూడముచ్చటైన శరీరాకృతి కావాలంటే ప్రశాంతంగా కాస్త వ్యాయా మం చేయడం ఉత్తమమైన మార్గం. కాస్త సమయం కేటాయించడం వల్ల ఆరోగ్యమైన అందమైన ఫలితాలు సొంతమవుతాయి. అది ఎలాగంటే.. సమాంతరంగా ఉన్న నేల పైవెల్లకిలా పడుకొని చేతులను జోడించి తల వెనక్కి నిటారుగా పెట్టాలి. ఇప్పుడు కుడి మోకాలును నెమ్మదిగా పైకి లేపాలి. పాదం నేలకు సమాంతరంగా ఆనుకునే వరకు ఇలా చేయాలి. తల వెనక్కి పెట్టిన చేతులలానే కుడికాలును కూడా ముందుకు నిటారుగా అంటే పాదం పూర్తిగా ముందుకు వంచగలిగినంత వంచాలి. ఇప్పుడు తల వెనక్కి జోడించి పెట్టిన చేతులను మీ ఎడమ కాలిమీదకు అలాగే నిటారుగా తీసుకోవాలి. ఇలా ముందుకు, వెనక్కు మోచేతులు ఏమాత్రం వంచరాదు. తరువాత కుడికాలును అలానే ఉంచి ఎడమకాలును నేలకు 90 డిగ్రీల కోణంలో పైకి లేపాలి. ఇదే భంగిమలో ఉండి శ్వాసను మాములుగానే తీసుకుంటుండాలి. ఇలా ఐదు సెకండ్లు ఉంచాలి. శిరస్సు వెనక్కి ఉన్న చేతులను అలానే తెచ్చి మీ ఎడమ కాలును తాకించాలి. ఈ ప్రయత్నం లో మెడను జాగ్రత్తగా ముందుకు వంచాలి. ఊపిరి మామూలుగానే తీసుకుంటూ ఈ వ్యాయామాన్ని అనేక సార్లు చేయాలి.
నమస్కార భంగిమలో...
చేతులను ఛాతిపైకి తీసుకురావాలి. నమస్కారం చేసే విధంగా తల నుంచి మీ భుజాల వరకు మాత్రం అలా గాలిలోనే ఉండాలి. ఇప్పుడు జోడించిన చేతులను ఎడమ కాలిని తాకిన చోటికీ, ప్రస్తుతం ఉన్న చోటికీ అదే ఆకారంలో ముందుకూ, వెనక్కీ మార్చాలి. ఇలా చేసే క్రమంలో కుడికాలు పాదం నేలకు పూర్తిగా ఆనుకుని ఉండేలా చూసుకోవాలి. కాళ్లు కాస్త దూరంగా ఉండేలా నిలబడి రెండు చేతులను తలపైకి నిటారుగాపెట్టాలి. ఒక చేతితో మరొ క చేతి వేళ్లను పట్టుకొని రెండు పక్కలకు నడుమును వంచుతూ వ్యాయామం చేయాలి. చేసేటప్పుడు మోకాళ్లు నిటారుగా ఉండేలా చూసుకోవాలి. నాజూకు నడుముకు...
నిటారుగా పెట్టిన తరువాత కుడివైపుగా వంగినపుడు కుడిచేతితో విడిగా కుడి కాలును తాకించాలి. ఎడమవైపుకు వంగినపుడు ఇదే విధంగా ఎడమచేతితో విడిగా ఎడమకాలును తాకాలి. ఇలా కొన్నిసార్లు చేయాలి. పక్కకు వంగి చేతితో కాలిని తాకినపుడు అలానే పదిసెకన్లు పాటు ఉంచాలి. మీ శక్తిని పూర్తిగా ఉపయోగించి అలా చేసిన తరువాత నిటారుగా నిలుచుని మళ్ళీ రెండవ పక్కకు శరీరాన్ని వంచి ఇదే వ్యాయామాన్ని కొనసాగించాలి.కొవ్వును తగ్గించుకునేలా...
ఇలా ప్రయత్నం చేస్తూ పోతే చేయి కాలి పాదాన్ని ఆ తరువాత నేలను తాకే స్థాయికి శరీరాన్ని రెండు పక్కలకు వంచగలుగుతారు. అప్పుడు నడుముకు చుట్టుపక్కల అనవసరమైన కొవ్వు కనిపించకుండాపోయి నడుము నాజూకుగా, బలంగా తమారవుతుంది. రెండు కాళ్ళ మధ్య నాలుగడుగుల దూరం ఉండేలా నిటారుగా నిలబడాలి. రెండు చేతుల ను తలపైకి నిటారుగా పెట్టి రెండు అరచేతుల వేళ్ళను ఒకదానిలోకి ఒకటి జొప్పించి, వెనక్కి విరిచి పెట్టినట్లుగా వీలైనంత ఎత్తుకు చేతులను చాచడానికి ప్రయత్నించాలి. మోచేతులను మాత్రం నిటారుగా ఉంచాలి. ఇప్పుడు శ్వాసను వీలైనంత తీసుకుని ఐదుసెకన్ల తరువాత నెమ్మదిగానే బయటకు వదలాలి.పొట్ట కండరాలను...
నేలపై బోర్లా పడుకోండి. ముఖంనుంచి పాదాల వేళ్లవరకూ నేలకు ఆనేలా నిటారుగా పడుకోవాలి. అలా పడుకున్నపుడు రెండు ఆరచేతులూ తొడల కింద చేర్చాలి. పాదాలనుంచి తల వరకూ శరీరంలో ప్రతి భాగం నిటారుగా ఉంచేందుకు ప్రయత్నించాలి. ముఖ్యంగా వెన్ను నిటారుగా పెట్టాలి. తరువాత నెమ్మదిగా కుడికాలును ఎంతవరకు లేపగరో అంతవరకు పైకి లేపాలి. ఈ సమయంలో మామూలుగానే శ్వాస తీసుకుంటూ మధ్యలో ఆరు సెకన్లు వ్యవధి ఉండేలా చూసుకోవాలి. ఇలా కాలును ఉంచగలిగినంత సేపు ఉంచి తరు వాత నెమ్మదిగా శ్వాసను వదులుతూ కాలును నేలకు ఆన్చాలి. తరువాత ఇదే విధానాన్ని రెండవ కాలుకు కూడా పాటించాలి. తరువాత నుదురును నేలకు ఆన్చి రెండు కాళ్లను ఒకే సారి పైకి లేపాలి. ఇలా కాళ్లను లేపేటపుడు శ్వాసను బిగ్గరగా తీసుకోవాలి. ఈ సమయంలోనూ మోకాళ్లు నిటారుగానే ఉండేలా జాగ్రత్తపడాలి. ఇలా ఎంతసేపు గాలిలో కాళ్లను నిటారుగా ఉంచగలరో అంతసేపూ ఉంచాలి. తరువాత నెమ్మదిగా కాళ్లను నేలకు ఆన్చి తల ఒక పక్కకు వాల్చి విశ్రాంతి తీసుకోవాలి. చక్కని శరీరాకృతి...
ఈ పద్దతులన్నీ పాటించినట్లైతే మీ కాళ్లు, పొట్ట కండరాలకు అత్యవసరమైన శక్తిని చేకూర్చుతాయి. శరీరానికి చక్కని తీగలాంటి ఆకృతిని కూడా పొందుతారు. నిత్యజీవితంలో మనకు ఎదురయ్యే ఒత్తిడినుంచి దూరం అవుతారు. దీనితోపాటు మంచి పోషక విలువలు ఉండే ఆహారం...ప్రతినిత్యం నీరు అధికమోతాదులో తాగుతూ ఉండాలి...కొవ్వును కలిగిం చే ఆహార పదార్ధాలకు దూరంగా ఉండాలి. పీచు పదార్ధాలు ఎక్కువగా ఉన్న ఆహారాన్ని తీసుకోవాలి.
No comments:
Post a Comment